Þjónusta
FJÖLHÆFT VERKSTÆÐI
Hjá okkur færðu bæði hefðbundna þjónustu og sérhæft breytingaverkstæði, ásamt sölu og eftirþjónustu á PistenBully og PowerBully snjótækjum og Yamaha hjólum og tækjum. Með einni þjónustugátt færðu ráðgjöf, innkaup, uppsetningu og reglubundið viðhald sem er sniðið að íslenskum aðstæðum – hvort sem um er að ræða daglega notkun, verktakastörf eða krefjandi verkefni utan vegaslóða.
- Þjónustu- og smurverkstæði
Auk fjölbreyttra breytinga á öllum helstu gerðum fjórhjóladrifinna bíla sinnum við ásetningu aukahluta, ljóskastara, loftdæla, úrhleypibúnaðs, aukamiðstöðva og annars sem ferðalanga í óbyggðum gæti vanhagað um. Við þjónustum allar stærðir og gerðir bíla en sérhæfum okkur í fjórhjóladrifnum og breyttum bílum. Komdu til okkar ef þú þig vantar aðstoð með aukahlutina eða með greiningu á þessu skrýtna hljóði sem heyrist stundum og engin leið er að átta sig hvaðan það kemur.
Við höfum mikla reynslu af viðhaldi fjórhjóladrifinna bíla og gjörþekkjum bíla frá öllum helstu framleiðendum. Nýttu þér reynsluna og láttu okkur sinna fyrirbyggjandi aðgerðum og nauðsynlegu viðhaldi.
Við veitum vandaða smurþjónustu fyrir allar gerðir bíla og notum eingöngu viðurkenndar olíuvörur frá MOTUL og YAMALUBE. Það er td. mikilvægt að fylgjast vel með sjálfskiptingunni og sjá til þess að rétt vökvamagn sé á henni og að skipt sé um vökva með reglulegu millibili. Við búum yfir bestu tækjum til að flössa og þjónusta sjálfskiptingar – þú finnur muninn um leið.
- Dekkjaþjónusta
Örugg dekk skipta sköpum fyrir aksturseiginleika og öryggi. Stærri og sérhæfð dekk krefjast réttrar aðferðar og þar skiptir reynsla og nákvæmni öllu. Teymið okkar hefur mikla þekkingu á ásetningu bæði smærri og stærri dekkja fyrir fólksbíla, jeppa, pallbíla og aðra sérútbúna bíla.
Af hverju við?
Sérhæfð þekking: Rétt uppsetning, hreinsun felgusæta, rétt hersla felgubolta og stillingar sem tryggja minni titring og jafnara slit.
Nútímatækjakostur: Við búum yfir tölvustýrðri jafnvægisstillingu sem býður upp á mikla nákvæmni, vél úr efsta styrkleikaflokki, meðal öflugustu á markaðnum.
Fagleg vinnubrögð: Meðhöndlun stærri dekkja og breiðra felga án skemmda; ventlaskipti og TPMS-þjónusta.
Áreiðanleiki og skjót afgreiðsla: Vönduð vinna í fyrsta skipti skilar betri aksturseiginleikum og færri endurkomum.
- Breytingaverkstæði
Breytingaverkstæði okkar byggir á áratuga reynslu og sérfræðiþekkingu í jeppabreytingum, bæði á Íslandi og erlendis. Við tökum að okkur allar stærðir og útfærslur, allt frá 33″ upp í 58″ og vinnum jafnt með bíla sem þegar hafa verið breyttir sem og verkefni sem hefjast frá grunni. Markmiðið er skýrt: að skila bíl sem er sterkur, öruggur og þægilegur í akstri í öllum aðstæðum, án málamiðlana í gæðum.
Við nálgumst hvert verkefni sem heild: byrjum á þarfagreiningu þar sem notkun, burðargeta, drif og stærðir eru skilgreind. Síðan hönnum við lausn sem hentar hverjum og einum viðskiptavini. Við getum jafnframt sett í og tengt úrhleypibúnað og séð um lýsingu og rafbúnað sem stenst kulda, raka og álag. Allt er unnið af fagmennsku og eftir gæðikerfi Arctic Trucks.
Gæði íhluta og nákvæm vinnubrögð eru okkar sérkenni. Við notum eingöngu íhluti sem hafa verið prófaðir við erfiðustu aðstæður , og tryggjum að breytingar séu í samræmi við þau lög og reglur sem gilda.
Viltu uppfæra núverandi breytingu eða hefja nýtt verkefni? Hafðu samband og bókaðu ráðgjöf, við setjum saman lausn sem hentar þínum akstri, þínum aðstæðum og þínum markmiðum.
- Yamaha á Íslandi
Arctic Trucks er umboðsaðili fyrir YAMAHA á Íslandi og við leggjum mikið upp úr því að bjóða gott úrval mótorhjóla, fjórhjóla, utanborðsmótora, rafstöðva, fatnaðar og annarra fylgihluta. Traust samband við Yamaha í Evrópu tryggir að afgreiðslutími á tækjum er stuttur og varahlutapantanir eru sjaldnast lengur 3-4 daga að koma í hús frá Evrópu og verðið er fyllilega samkeppnishæft.
Við bjóðum einnig upp á verkstæðisþjónustu fyrir Yamaha tæki og vélar.
